តើលោកអ្នកបានដឹងទេថា មនុស្សដែលជោគជ័យតែងតែធ្វើអ្ចីខ្លះនៅពេលព្រឹកព្រលឹម។ នេះគឺជាសកម្មភាពខ្លះៗដែលពួកគេធ្វើមុនពេលពួកគេញ៉ាំអាហារពេលព្រឹក៖
១. ភ្ញាក់ពីគេងពីព្រលឹម
មនុស្សជោគជ័យបានយល់ដឹងយ៉ាងច្បាស់លាស់ថា ពេលវេលាគឺជាទ្រព្យសម្បត្តិដ៏មានតម្លៃមួយ។ ដូច្នេះពួកគេមិនសូវដេកដំអក់ទេ។
២. ពួកគេធ្វើលំហាត់ប្រាណ
សកម្មភាពនៅពេលព្រឹកព្រលឹម របស់មនុស្សអ្នកមាន និងមនុស្សដែលមានអំណាចនោះគឺការ ធ្វើលំហាត់ប្រាណ ទោះបីជាការធ្វើលំហាត់ប្រាណនៅផ្ទះ ឬទៅកន្លែងហាត់ប្រាណក៏ដោយ។
៣. ពួកគេធ្វើការលើគម្រោងណាដែលមានអាទិភាព
ពេលដ៏ស្ងប់ស្ងាត់នៅពេលព្រឹកគឺជាពេលដ៏ល្អបំផុត ដែលយើងអាចផ្ដោតអារម្មណ៍លើការងារ ដ៏សំខាន់ៗដោយគ្មានការរំខាន។
៤. ពួកគេធ្វើការគម្រោងការផ្ទាល់ខ្លួនដើម្បីសម្រេចការប្រាថ្នារបស់គេ
មុននឹងធ្វើការដទៃៗទៀតដ៏ស្មុគស្មាញ មនុស្សដែលជោគជ័យភាគច្រើនតែងតែចំណាយពេល ធ្វើការលើគម្រោងផ្ទាល់ខ្លួន។
៥. ពួកគេចំណាយពេលវេលាជាមួយគ្រួសារ
ទោះបីជាការងារមានភាពមមារញឹកយ៉ាងណា មនុស្សជោគជ័យទាំងឡាយតែងតែចំណាយ ពេលវេលារបស់ពួកគេជាមួយកូន ប្រពន្ធ ឬប្ដី ដើម្បីធ្វើឱ្យគ្រួសារមានភាពស្រស់បំព្រង។
៦. ពួកគេធ្វើទំនាក់ទំនងជាមួយប្ដីប្រពន្ធរបស់ពួកគេ
នៅពេលល្ងាចជាពេលដែលលោកអ្នកមានភាពនឿយហត់ខ្លាំង ហើយដើម្បីបន្ថូរបន្ថយភាព នឿយហត់ទាំងនេះ លោកអ្នកប្រហែលជាត្រូវសម្រាក ឬកម្សាន្ដ។ ដូច្នេះពេលព្រឹកឡើង មនុស្សដែលទទួលបានជោគជ័យភាគច្រើនតែងតែធ្វើទំនាក់ទំនងជាមួយនឹងប្រពន្ធ ឬប្ដីរបស់ ពួកគេ។
៧. ពួកគេបង្កើតបណ្ដាញក្នុងពេលញ៉ាំកាហ្វេ
ប្រសិនបើលោកអ្នកត្រូវទៅទទួលទានអាហារពេលល្ងាចនៅផ្ទះ ពេលព្រឹកគឺជាពេលដ៏ល្អមួយ សម្រាប់លោកអ្នកក្នុងការទំនាក់ទំនងជាមួយមនុស្សដទៃ ជាមួយនឹងការផឹកកាហ្វេ ឬញ៉ាំអាហារពេលព្រឹក។
៨. ពួកគេធ្វើសមាធិដើម្បីជម្រះចិត្តរបស់ពួកគេ
ការធ្វើសមាធិគឺជាការលាងសំអាតនូវភាពតប់ប្រមល់ ទុក្ខសោក និងក្ដីបារម្ភផ្សេងៗ។ នៅក្នុង វិស័យជំនួញ លោកអ្នកតែងតែជួបបញ្ហាទាំងនេះជាញឹកញយ។ ដូច្នេះមនុស្សដែលជោគជ័យ តែងធ្វើសមាធិ ហើយពួកគេអាចគ្រប់គ្រងស្ថានការណ៍ឡើងចុះបានយ៉ាងល្អ។
៩. ពួកគេសរសេរនូវអ្វីដែលពួកគេតែងដឹងគុណ
ការសម្ដែងនូវការដឹងគុណចំពោះរឿងអ្វីមួយ ឬបុគ្គលណាម្នាក់គឺជាមធ្យោបាយដ៏ល្អមួយទៀត ដើម្បីទទួលបានភាពស្រស់ស្រាយមុនពេលដែលលោកអ្នកចូលក្នុងការិយាល័យ។
១០. ពួកគេរៀបគម្រោង និងយុទ្ធសាស្ត្រនៅពេលដែលពួកគេស្រស់ស្រាយ
នៅពេលដែលលោកអ្នកមានភាពតប់ប្រមល់ លោកអ្នកមិនអាចនឹងទទួលបាននូវគំនិតល្អៗនោះទេ។ ដូច្នេះមនុស្សជោគជ័យតែងតែយល់អំពីស្ថានភាពជាក់ស្ដែងរបស់ពួកគេ។ ពួកគេតែងតែរៀបគម្រោងការ និងយុទ្ធសាស្ត្រនៅពេលដែលគេកំពុងតែស្ថិតក្នុងភាពស្រស់ស្រាយ។
១១. ពួកគេបើកមើលអ៊ីម៉ែលរបស់ពួកគេ
សូម្បីការបើកមើលអ៊ីម៉ែលរបស់លោកអ្នក នៅពេលដែលលោកអ្នកក្រោកពីគេងក៏អាចជួយ ដល់ការងាររបស់លោកអ្នកបានដែរ។ មនុស្សជោគជ័យតែងតែមើលប្រអប់សាររបស់ពួកគេ ដើម្បីឱ្យបានដឹងថា តើពួកគេត្រូវដោះស្រាយការងារបន្ទាន់អ្វីខ្លះនៅក្នុងថ្ងៃនេះ។
១២. ពួកគេអានព័ត៌មាន
ការអានកាសែតក៏ជាទម្លាប់មួយដែលមនុស្សជោគជ័យតែងតែធ្វើនៅពេលព្រឹកឡើង។ ពួកគេ ស្វែងរកព័ត៌មានថ្មីនៅទំព័រកាសែត twitter ឬទូរសព្ទដៃរបស់ពួកគេជានិច្ច៕
Post A Comment:
0 comments: