គុណតម្លៃចំនួន ១០ យ៉ាងដែលលោកអ្នកតែងមើលរំលង មានសារសំខាន់ជាងការងារទៅទៀត

១) សុភមង្គលគ្រួសារអ្នកជាមនុស្សមានសំណាងល្អបើក្រុមគ្រួសាររបស់ស្រលាញ់យកចិត្តទុកដាក់ និង គាំទ្រអ្នកគ្រប់ពេល។ នេះជាហេតុផលមួយបញ្ជាក់ថា ភាពជោគជ័យក្នុងការងាររបស់អ្នកមិនអាចកើតមានទាំងស្រុងនោះឡើយបើគ្មានការជួយជ្រោមជ្រែងពីសមាជិកគ្រួសាររបស់អ្នក។ ម្ល៉ោះហើយ សូមអ្នកថ្លឹងថ្លែងឲ្យច្បាស់អ្វីទៅជាទំនាក់ទំនងដ៏ល្អនៅក្នុងគ្រួសារ ដើម្បីចំណាយពេលវេលាដ៏មានតម្លៃជាមួយសមាជិកគ្រួសាររបស់អ្នក ជៀសវាងយកលុយធ្វើជាត្រីមុខ។

២) មនុស្សដែលអ្នកស្រលាញ់ដើម្បីស្វែងរកដៃគូជីវិតមួយដ៏ល្អម្នាក់មិនមែនជារឿងមួយងាយស្រួលនោះឡើយ តែការដែលអ្នកធ្វើការពីព្រលឹមទាល់យប់ កាន់តែលំបាកជាងនេះទៅទៀត។ យ៉ាងណាមិញ ការស្វែងរកអ្នកណាម្នាក់ដែលអ្នកស្រលាញ់ អ្នកត្រូវបើកបេះដូងឲ្យទូលាយជ្រើសរើសយកអ្នកណាម្នាក់ដែលធ្វើឲ្យអ្នកមានអារម្មណ៍សប្បាយចិត្តកាន់តែច្រើន ជាពិសេសអ្នកដែលពូកែយល់ចិត្តអ្នក និង ជួយឲ្យអ្នកកាន់តែជោគជ័យ។

៣) ការគ្រប់គ្រងពេលវេលាការគ្រប់គ្រងពេលវេលាឲ្យបានត្រឹមត្រូវមានសារសំខាន់ខ្លាំងណាស់ដើម្បីធ្វើឲ្យជីវិតរបស់អ្នករស់រវើក និង មានលំនឹងទៀតផង។ នេះគួរតែជារឿងអាទិភាពរបស់អ្នក ត្បិតអីមនុស្សមួយចំនួនបានចំណាយពេលវេលាឥតប្រយោជន៍ផ្ដោតទៅលើរឿងរ៉ាវតែមួយគត់ក្នុងឆាកជីវិតរបស់ពួកគេ។ សម្រាប់អ្នកវិញ ប្រសិនបើអ្នកគ្រប់គ្រងពេលវេលាបានល្អ អ្នកនឹងមានពេលវេលាគ្រប់គ្រាន់ដើម្បីធ្វើរឿងច្រើនយ៉ាងដូចជា ពេលវេលាសម្រាប់ធ្វើការ លំហែកម្សាន្ត ជួបជុំគ្រួសារ មិត្ត ភក្តិ ឬ សម្រាប់បង្កើនចំណេះដឹងរបស់អ្នកជាដើម។ នេះហើយដែលធ្វើឲ្យជីវិតរបស់អ្នមានន័យបំផុត។

៤) ជួយអ្នកដទៃអ្នកអាចជួយប្រទះបញ្ហាហិរញ្ញវត្ថុ ហើយនេះប្រហែលជាអ្នកអាចលើកសំនួរឡើងថា ហេតុអ្វីបានជាអ្នកត្រូវជួយអ្នកដទៃទាំងមិនអាចជួយខ្លួនឯងបានផងនោះ? តួនាទីនេះប្រហែលជាអ្នកគិតថា ទុកឲ្យក្រុមមហាសេដ្ឋី ឬ អ្នកមានលុយច្រើនធ្វើទៅចុះ! តាមពិតទៅរឿងវាសាមញ្ញទេ ពោលគឺថា បើអ្នកមិនបានជួយពួកគេជាថវិកា អ្នកអាចជួយដោយការចែករំលែកចំណេះដឹង ការលើកទឹកចិត្ត ដំបូន្មាន និង បទពិសោធន៍ល្អៗទៅកាន់ពួកគេ ឬ ក៏ធ្វើអំពើល្អ និង កុំប្រព្រឹត្តអំពើអាក្រក់ ឬ ភាពអាត្មានិយមទៅក៏វាគ្រប់គ្រាន់ទៅហើយ។

៥) មិត្តភាពអ្នកមានទំនាក់ទំនងល្អនៅក្នុងគ្រួសារ តែបើមិត្តភាពរបស់អ្នកនៅអន់ថយ ក៏មិនប្រាកដថា ជីវិតរបស់អ្នកមានន័យដែរ។ ក្រៅពីគ្រួសារ និង មនុស្សដែលអ្នកស្រលាញ់ អ្នកត្រូវការមិត្តភ័ក្ដិៗ រួមទាំងស្គាល់មនុស្សថ្មីៗឲ្យកាន់តែច្រើនជាងមុនសម្រាប់បង្កើតសកម្មភាពសប្បាយៗ ជាពិសេសគឺការពង្រឹងបណ្ដាញទំនាក់ទំនងដើម្បីអាជីពការងាររបស់អ្នកតែម្តង។

៦) ការអភិវឌ្ឍសមត្ថភាពរបស់អ្នកជារៀងរាល់ថ្ងៃ អ្នកត្រូវការរៀនសូត្រពីអ្វីថ្មីៗ អ្វីដែលគួរឲ្យចាប់អារម្មណ៍ និង អ្វីៗដែលនាំមកនូវភាពរីកចម្រើនដល់ខ្លួនឯង។ ដូច្នេះនេះមិនបដិសេធន៍ទេដែលអ្នកត្រូវគិតគូរពីការពង្រីក និង ពង្រឹងចំណេះដឹងរបស់ខ្លួននោះ។ អ្នកត្រូវចំណាយពេលវេលា សិក្សាវគ្គខ្លីៗ សិក្សាស្រាវជ្រាវ និង រៀនសូត្រពីប្រភពជាច្រើនជាពិសេសនៅតាមប្រព័ន្ធអ៊ីនធឺណិតដើម្បីក្រេបយកចំណេះដឹងថ្មីៗដែលធ្វើឲ្យអាជីពរបស់អ្នកកាន់តែប្រសើរជាងមុន។

៧) ហាត់ប្រាណឲ្យបានទៀងទាត់សុខភាពរបស់អ្នកមានតម្លៃណាស់ ព្រោះថាបើអ្នកមានសុខភាពមិនល្អ កិច្ចការផ្សេងៗនៅក្នុងជីវិតរបស់អ្នកមិនអាចប្រព្រឹត្តទៅរលូនបានឡើយ។ ដូច្នេះ អ្នកត្រូវធ្វើការហាត់ប្រាណជាប្រចាំដូចជា លេងកីឡា រត់ ជិះកង់លក្ខណៈកម្សាន្ត នៅតាមតំបន់នានា ទាំងនេះនឹងជំរុញឲ្យអ្នកកាត់បន្ថយស្រ្តេសផង និង ទទួលបាននូវគុណប្រយោជន៍ធ្វើឲ្យសុខភាពរឹងមាំផង។ នៅពេលដែលសុខភាពរបស់អ្នករឹងមាំ ការងារក៏ជោគជ័យ ជីវិតក៏ជោគជ័យ។

៨) ទទួលទានអាហារឲ្យបានត្រឹមត្រូវមនុស្សមួយចំនួនចូលចិត្តធ្វើការច្រើន តែក៏មិនសូវចូលចិត្តទទួលទានអាហារប៉ុន្មាននោះដែរ។ អ្នកខ្លះមិនសូវខ្វល់ខ្វាយរឿងហូបចុកនោះទេ គិតតែពីរកលុយ ឬ ពិសាអាហារមួយចំនួនដែលមិនសមប្រកបសម្រាប់សុខភាពដូចជាគ្រឿងស្រវឹង ជក់បារី គេងមិនឆ្អែតជាដើម។ មានដែរដែលមនុស្សមួយចំនួនដែលចូលចិត្តទទួលទានសាច់ តែមិនចូលចិត្តទទួលបានបន្លែ។ យ៉ាងណាមិញ នេះសុទ្ធតែជាទម្លាប់មួយមិនត្រឹមត្រូវ តែអ្វីដែលអ្នកត្រូវយកចិត្តទុកដាក់ គឺត្រូវទទួលទានអាហារឲ្យស្របតាមដំបូន្មានផ្នែកសុខភាពទើបជាការប្រសើរ។

៩) ធ្វើដំណើរកម្សាន្តសូមចាំថា ការងារតែមួយមុខពិតជាមិនអាចធ្វើឲ្យជីវិតរបស់អ្នករស់រវើកបានឡើយ ម្ល៉ោះហើយអ្នកត្រូវការពេលវេលាមួយចំនួនដើម្បីសម្រាកលំហែកាយ។ នេះហើយជាអ្វីដែលមាននៅទីនេះ ដែលអ្នកគួរតែគិតគូរលៃលកពេលវេលាមួយចំនួនសម្រាប់លំហែកាយ ឬ ធ្វើដំណើរកម្សាន្តនៅកន្លែងឆ្ងាយៗ ដើម្បីដកស្រង់យកបទពិសោធន៍ និង ចំណេះដឹងថ្មីៗឲ្យបានកាន់តែច្រើន។

១០) បំណងប្រាថ្នារបស់អ្នកជារៀងរាល់ថ្ងៃ អ្នកអាចធ្វើការដើម្បីប្តូរយកប្រាក់ តែនោះមិនមែនជាការងារដែលអ្នកចង់បាននោះឡើយ។ អ្នកប្រហែលជាធ្វើការងារនោះជាបណ្ដោះអាសន្នតែប៉ុណ្ណោះ ហើយអ្នកនឹងធ្វើការងារថ្មីដែលជាត្រូវនឹងចំណង់ចំណូលចិត្តរបស់អ្នក។ នេះមិនមែនជារឿងមួយខុសឆ្គងនោះឡើយ ព្រោះអ្នកចង់ធ្វើអ្វីៗដែលស្របនឹងបំណងប្រាថ្នារបស់អ្នក។ ហេតុដូច្នេះ បើអ្នកយល់ពីតម្លៃការងារដែលអ្នកស្រលាញ់ ឬ បំណងប្រាថ្នារបស់អ្នកបានសម្រេច នោះទើបជីវិតរបស់អ្នកមានតម្លៃបំផុត៕