ការងារទាំង១០ដែលមនុស្សឆ្លាតវៃមិនដែលធ្លាប់ធ្វើ

មនុស្សឆ្លាតវៃ និងមនុស្សខ្លាំងទាំងឡាយតែងតែមានអាកប្បកិរិយាខុសប្លែកពីមនុស្សធម្មតា ព្រោះបើសិនបើពួកគេមានអត្តចរិតដូចមនុស្សធម្មតានោះ ពួកគេជាមនុស្សធម្មតាបាត់ហើយ មិនមែនក្លាយជាមនុស្សអស្ចារ្យដែរ។ ហើយបើពួកគេមិនមែនជាមនុស្សអស្ចារ្យទេនោះ ពួកយើងក៏មិនបាច់សិក្សាអំពីពួកគេដែរ។

ខាងក្រោមនេះគឺជាអាកប្បកិរិយាខ្លះៗរបស់មនុស្សអស្ចារ្យ ដែលយើងអាចរៀនសូត្របាន៖

១. ពួកគេមិនធ្វើសកម្មភាពដោយគ្មានការទទួលខុសត្រូវ

ការដែលមិនទទួលខុសត្រូវ គឺជាទង្វើរបស់មនុស្សដែលគ្មានសីលធម៌ ព្រោះពួកគេហ៊ានធ្វើសកម្មភាព ប៉ុន្តែពួកគេមិនហ៊ានទទួលលទ្ធផល។ ឯមនុស្សដែលមានការទទួលខុសត្រូវវិញ ពួកគេមិនដែលបោះបង់ចោលការងាររបស់ពួកគេទេ ទោះបីជាលទ្ធផលរបស់វាធ្វើឱ្យពួកគេរស់ជូរចត់យ៉ាងណាក៏ដោយ។

២. ពួកគេមិនស្ទាក់ស្ទើរក្នុងការរៀនសូត្រពីកំហុស

បុគ្គលណាដែលមិនធ្វើកំហុស? តែអ្វីដែលប្រសើរនោះគឺការកែប្រែនូវកំហុសនោះ និងធ្វើយ៉ាងណាកុំឱ្យវាកើតឡើងជាលើកទី២ទៅបានហើយ។ មនុស្សវ័យឆ្លាតទាំងឡាយតែងតែមានវិប្បដិសារៈខ្លាំងណាស់ចំពោះកំហុសរបស់ពួកគេ ប៉ុន្តែពួកគេអាចរៀនសូត្របានយ៉ាងច្រើនអំពីកំហុសនោះ។

៣. ពួកគេមិនពឹងពាក់លើអ្នកដទៃជ្រុលពេក

មនុស្សខ្លាំងទាំងឡាយមិនដែលរស់នៅដោយពឹងពាក់អ្នកដទៃ ឬក្រោមសម្ពាធអ្នកដទៃឡើយ បើក្នុងករណីដែលពួកគេត្រូវពឹងពាក់អ្នកដទៃនោះ ត្រឹមតែក្នុងនាមជាសហការីដ៏ល្អតែប៉ុណ្ណោះ មិនមែនជាអ្នកគ្រប់គ្រងឡើយ។

៤. ពួកគេមិនមើលរំលងឱកាសក្នុងសន្សំលុយ

ជីវិតមិនគួររស់នៅក្នុងភាពលោភលន់ និងភាពកំណាញ់ពេកនោះឡើយ ព្រោះការចែករំលែកក្ដីសុខដល់អ្នកដទៃគឺជារឿងមួយដែលគួរធ្វើ។ ប៉ុន្តែដើម្បីធ្វើកិច្ចការនោះបាន មនុស្សដែលខ្លាំងទាំងឡាយតែងតែធ្វើឱ្យពួកគេមានលំនឹងផ្នែកហិរញ្ញវត្ថុជាមុនសិន ព្រោះបើសិនមិនដូច្នោះទេ ពួកគេមុខជាមិនអាចសម្រេចកិច្ចការធំដុំបានឡើយ។

៥. ពួកគេមិនអនុញ្ញាតឱ្យអតីតកាលបំផ្លាញពួកគេឡើយ

ជីវិតជាក់ស្ដែងមានតែមួយខណៈបច្ចុប្បន្នប៉ុណ្ណោះ។ មនុស្សដែលរស់នៅក្នុងអតីតកាលពេកគឺជាមនុស្សដែលមិនអាចអភិវឌ្ឍខ្លួនបានឡើយ ឯមនុស្សដែលរស់នៅក្នុងអនាគតកាលពេកក៏នឹងក្លាយទៅជាមនុស្សដែលរវើរវាយ និងមិនប្រាកដនិយមដែរ។ ដូច្នេះផ្លូវដ៏ត្រឹមត្រូវដែលមនុស្សគួរប្រកាន់យកនោះគឺ ការរស់នៅក្នុងបច្ចុប្បន្នរបស់ខ្លួន ដោយមិនអនុញ្ញាតឱ្យអតីតកាលមកបំផ្លាញខ្លួនបានឡើយ។

៦. ពួកគេមិនស្មានខុសចំពោះសមត្ថភាពផ្ទាល់ខ្លួនឯង

ការស្មានខុសអំពីសមត្ថភាពខ្លួនឯងគឺជាចំណុចខ្សោយ។ ដរាបណាអ្នកមិនស្គាល់ខ្លួនឯងច្បាស់ទេនោះ ចំណុចខ្សោយរបស់អ្នកកាន់តែធំឡើងៗ រហូតដល់អ្នកមិនអាចសម្រេចកិច្ចការអ្វីបានឡើយ ព្រោះអ្នកនឹងក្លាយជាមនុស្សប្រមាថក្នុការងារ។ មនុស្សខ្លាំងទាំងឡាយតែងស្គាល់ខ្លួនឯងច្រើនជាងស្គាល់អ្នកដទៃ ព្រោះពួកគេរមែងក្រលេកមើលខ្លួនជារឿយៗ។

៧. ពួកគេមិនបន្តគិតអំពីកំហុសរបស់ពួកគេ

មនុស្សដែលខ្លាំងតែងតែមានអារម្មណ៍ថា ខ្ញុំមិនមែនបរាជ័យទេ គ្រាន់តែមធ្យោបាយដែលខ្ញុំប្រើមិនអាចប្រើប្រាស់បានតែប៉ុណ្ណោះ។ ដោយយល់ឃើញបែបនេះ ពួកគេនឹងបន្តព្យាយាមធ្វើវាម្ដងទៀតរហូតដល់ទីបញ្ចប់ ដោយគ្មានថ្ងៃបោះបង់ចោលឡើយ។

៨. ពួកគេមិនធ្វេសប្រហែសចំពោះទិដ្ឋភាពសំខាន់ៗនៃជំនួញ

គន្លឹះមួយនៃភាពជោគជ័យនោះគឺ ការផ្ដោតការយកចិត្តទុកដាក់ទាំងស្រុងលើរឿងរ៉ាវលំអិតៗទាំងឡាយ ឬយ៉ាងហោចណាស់ពួកគេក៏អាចមើលឃើញបញ្ហាទាំងនោះក្នុងលក្ខណៈទូទៅផងដែរ។

៩. ពួកគេមិនផ្ដោតលើជោគជតារាសីក្នុងការដោះស្រាយបញ្ហាទេ

មនុស្សល្ងង់បន់ព្រះ រួចហើយពេលដែលពួកគេចេញទៅធ្វើការ ពួកគេយកព្រះរបស់ពួកគេដាក់ចំពីមុខ រីឯមនុស្សឆ្លាតបន់ព្រះ ប៉ុន្តែពេលចេញទៅធ្វើការពួកគេជាអ្នកដើរមុខ ចំណែកព្រះនៅពីក្រោយខ្នងគេចាំផ្ដល់កម្លាំងចិត្ត និងក្ដីសង្ឃឹម។

១០. ពួកគេមិនដាក់បញ្ហានៅក្នុងកញ្ជើរតែមួយទេ

មនុស្សឆ្លាតរមែងមានជម្រើសក្នុងការដោះស្រាយបញ្ហា។ បើសិនជាពួកគេទទួលបរាជ័យតាមច្រកមួយ ពួកគេអាចមានច្រកផ្សេងទៀត សម្រាប់ភាពជោគជ័យរបស់ពួកគេ។