បើចង់ជោគជ័យ ចូរធ្វើអ្វីដែលអ្នកពូកែនិងឲ្យអស់ពីសមត្ថភាព

អ្នកជំនួញដ៏ជោគជ័យនៅក្នុងសតវត្សទី២១ម្នាក់បាននិយាយថា ប្រសិនបើមានវិធីមួយចំនួនសម្រាប់អ្នក ដើម្បីទាញយកបទពិសោធន៍រាប់ទសវត្សរ៍របស់ខ្ញុំ នៅក្នុងពិភពអាជីវកម្ម ព្រមទាំងបុគ្គលដែលមានភាពជោគជ័យដ៏អស្ចារ្យក្នុងការនាំយកផលិតផលពិតប្រាកដទៅក្នុងទីផ្សារនោះ អ្នកនឹងរកឃើញអ្វីមួយដែលគួរឱ្យចាប់អារម្មណ៍ខ្លាំងណាស់។

អ្នកនឹងរកឃើញមនុស្សជាច្រើនដែលមានសមត្ថភាព មានទេពកោសល្យ ឆ្លាតប៉ិនប្រសប់មនុស្សដែលធ្វើការយ៉ាងលំបាកនៅក្នុងការងាររបស់ពួកគេ។ ហើយរឿងមួយដែលពួកគេខ្វល់ខ្វាយច្រើនបំផុតនោះគឺការផ្តល់នូវផលិតផលនិងសេវាដល់អតិថិជនក្នុងការប្រកួតប្រជែងនេះ។

មួយវិញទៀត អ្វីដែលពួកគេមានដូចគ្នានោះគឺ ជំនាញជាក់លាក់លើមុខងារណាមួយ។ មិនថា ជាការអភវិឌ្ឍផលិតផល ប្រតិបត្តិការ ទីផ្សារ ហិរញ្ញវត្ថុ ឬក៏ទីផ្សារទាំងមូលនោះទេ ពួកគេតែង តែធ្វើអស់ពីសមត្ថភាព។

ខាងក្រោមនេះគឺជាអ្វីដែលអ្នកមិនធ្លាប់ដឹងពីមុនអំពីអ្នកជំនួញដ៏ជោគជ័យបំផុតដែលពួកគេមានដូចគ្នា ឬពូកែ ឬក៏មានជំនាញរៀងៗខ្លួន។

ស្ថាបនិក Facebook លោក Mark Zuckerberg គឺជាអ្នកសរសេរកូដម្នាក់។ ហើយនាយកប្រតិបត្តិក្រុមហ៊ុន Google លោក Larry Page និងលោក Bill Gates ក៏ដូចគ្នា ខណៈពេល ដែលលោក Warren Buffett និងលោក Charles Schwab មានជំនាញឬពូកែខាងវិនយោគ។

លោក Steve Jobs ក៏មានទេពកោសល្យផ្នែកទីផ្សារផងដែរ។ ដូចគ្នានេះដែរស្ថាបនិកក្រុមហ៊ុន Starbucks លោក Howard Schultz ក៏មានជំនាញទីផ្សារដូចគ្នា។

នាយកប្រតិបត្តិបច្ចុប្បន្នលោក Tim Cook របស់ Apple គឺជាអ្នកប្រតិបត្តិការ។ រីឯលោក John Mackey នាយកប្រតិបត្តិក្រុមហ៊ុន Whole Food តែងតែធ្វើការក្នុងវិស័យម្ហូបអាហារជាពិសេសអាហារដែលមានសុខភាពល្អ៕